UN BENEFATTORE DELLA COMUNITA': DANIELE MORO

Daniele Moro nacque a Codroipo il 30 marzo 1855 in epoca austriaca e divenne adulto e si maturò nel seno del Regno d’Italia.

Nel 1878 fu tra i promotori, nonché Presidente, della “Società Operaia” di Codroipo a cui egli donò l’edificio per la sede sociale. Fu Consigliere comunale e Sindaco per ben due mandati di questa cittadina.

Il suo mondo girava attorno a tre paesi: Codroipo, Morsano al Tagliamento e Udine dove viveva.

Va ricordato che il cavalier Moro, in morte, dispose molti benefici a favore di numerose persone e della collettività; con questi ultimi si costituì il patrimonio da cui, nel 1946, a guerra ultimata, prese avvio l’Ente che portava il suo nome, dando origine, in tal modo, a quel processo giuridico noto come “entificazione”.

A Morsano, in particolare, la Casa di Riposo è sorta per volontà del Cav. Daniele Moro con lo scopo primario dell’assistenza dei vecchi bisognosi ed inabili del Comune.

Tale assistenza, con l’evoluzione dei tempi, della struttura e dei servizi offerti si estende anche ai Comuni al di fuori di Morsano al Tagliamento.

Nel suo testamento, in data 26 marzo 1940, ha disposto infatti, al terzo comma dell’allegato E, che “sarà costituita a Morsano al Tagliamento una Casa di Ricovero per i vecchi bisognosi. Lascio alla costituenda Casa di Ricovero di Morsano al Tagliamento tutte le mie proprietà sulla Destra del Tagliamento.”

Successivamente, nell’allegato H al sesto comma si legge: “i miei lasciti alle Case di Ricovero di Codroipo e di Morsano al Tagliamento devono intendersi fatti ai rispettivi Comuni, con l’obbligo di istituire nel più breve tempo possibile le case stesse quali enti morali autonomi”.

La legislazione vigente allora, prevedeva che le istituzioni di questo genere fossero pubbliche, era inevitabile che l’Ente Moro fosse un’IPAB (Istituto Pubblico di Assistenza e Beneficienza) , per quanto anche nel primo statuto redatto il 10 maggio del 1941 fosse stato denominato opera pia. Da allora la Casa di riposo Daniele Moro accolse i vecchi bisognosi di Morsano inabili al lavoro proficuo. E questi, per quanto potevano, prestavano a favore dell’ente la propria attività lavorativa.

Negli anni l’ente ha subito una trasformazione che ha portato la trasformazione dellaa Casa di Riposo Daniele Moro in ASP ed allo scorporo dell’azienda agricola che è divenuta Azienda Agricola Fondazione Daniele Moro.

La fondazione continua ad occuparsi degli anziani bisognosi del paese integrando la retta a chi non ha le possibilità economiche. 

Durante la sua vita e con i lasciti fatti al Comune di Morsano al Tagliamento il cavalier Daniele Moro ha  contribuito notevolmente allo sviluppo del territorio morsanese assicurando la conservazione e sviluppo dell'identità morsanese e quindi friulana.

UN BENEFATÔR DE COMUNITÂT: DANIELE MORO

Daniele Moro al è nassût a Codroip ai 30 di Març dal 1855, cuant che il Friûl al jere sot de Austrie; al è cressût e madressût sot dal Ream di Italie.

Intal 1878 al è stât un dai promotôrs de Societât Operarie di Codroip e po dopo ancje so president, e i à donât l’edifici pe sede sociâl. Al è stât conseîr comunâl e sindic di cheste citât, par ben doi mandâts.

Il so mont al zirave ator di trê paîs: Codroip, Morsan da lis Ocjis e Udin li che al jere a stâ.

Si à di tignî iniment che il cavalîr Moro, li li par murî, al à destinât beneficis par tancj di lôr e par dute la comunitât. In gracie di cheste volontât, al è stât metût dongje il patrimoni che, intal 1946, dopo finide la vuere, al à dât vite al Ent che al puartave il so non, inviant cussì chel procès juridic che al è cognossût tant che “entificazion”.

A Morsan, in particolâr, la cjase di ricovar e je nassude par volontât dal cavalîr Daniele Moro, cu la volontât di viodi dai vielis dal Comun inabii o che a vevin bisugne.

Cheste assistence, cul lâ dal timp e ancje cul disvilupâsi de struture e dai siei servizis, si è slargjade ancje a chei altris Comuns.

Intal tierç paragraf de zonte E dal so testament dai 26 di Març dal 1940, di fat, al à stabilît che “A Morsan da lis Ocjis e vignarà fate sù une cjase di ricovar pai vielis che a àn bisugne. O lassi dutis lis mês proprietâts a man drete dal Tiliment a cheste cjase di ricovar di tirâ sù”.

Po dopo, intal sest paragraf de zonte H si lei: “Ce che o lassi aes cjasis di ricovar di Codroip e di Morsan lu lassi ai doi Comuns, che a varan di fâ sù, in mancul timp pussibil, chestis stessis cjasis tant che ents morâi autonoms”.

La leç in vore chê volte e previodeve che lis istituzions di cheste fate a fossin publichis, duncje l’Ent Moro al veve di jessi un IPAB (Istitût Public di Assistence e Beneficence), ancje se intal prin statût dai 10 di Mai dal 1941 al jere stât clamât “opare di caritât”. Di in chê volte, la cjase di ricovar Daniele Moro e à dât acet ai vielis di Morsan che a vevin bisugne, o che no podevin rindi sul lavôr. E chescj ca, par chel che a podevin, a lavoravin pal ent.

Intai agns, l’ent al à vût mudaments che a àn puartât a trasformâ la cjase di ricovar in ASP e a scorporâ la aziende agricule in Aziende Agricule Fondazion Daniele Moro.

La fondazion e va indevant a viodi dai vielis dal paîs che a àn bisugne, e e zonte ce che al mancje ae rete di chei che no puedin paiâle interie.

Dilunc de sô vite, e in gracie des sôs disposizions testamentariis a pro dal Comun di Morsan da lis Ocjis, il cavalîr Daniele Moro al à zovât une vore ae incressite dal teritori e al à sigurade la conservazion e il disvilup de identitât di Morsan, e duncje furlane.